السبت، 16 يوليو 2011

دراستي (-_-) >> يّ رب

كح كح >> معليش انفض الغبار عن مدونتي
جد والله من زمان ماكتبت سوالف وكذا ^_^
بس هالمره تحمست اسولف شوي عن موضوع بس يارب يتحقق >> اميييين
الموضوع ومافيه اني راح ارجع للمره الرابعه اقدم اوراقي ع الجامعه >> ماتيأس هذي
بس لااا مو نفس التخصص ، لاني ابغي غيره
بصراحه انا تمنيت ادخل تخصص علم نفس وماقدره الله اني ادخله والسبب ماكان متوفر بالجامعه نفسها >> اصلا وش فيها هالجامعه من تخصصات ، معليش اسمحولي جامعه ع ايش وثلاث ارباع التخصصات اوب موجوده
المهم قلت طيب (( رياض اطفال )) >> اوب موجود اختاري غيره
ومافي قدامي غير تخصصين (( دراسات اسلاميه _ عربي )) >> مع احترامي الشديد لهالقسمين مااحبهم ولا طموحي
صحيح تعلم الدين حلو بس وربي ماهو ميولي دراسات
وهذي السنه فتح تخصص جديد وهو (( التربيه الخاصه )) >> عن جد حبيت هالتخصص
واتمنا اتعلم منها لغة الاشاره للصم والبكم وربي هو طموحي بالدراسه احب اساعد الناس ويارب يوفقني فيه
\\
//
\\
//
اليوم الصباح الساعه ٦ ونص صحيت ع اساس اروح اقدم اوراقي مره ثانيه ^_^
طبعا اختي راحت معي علشان تاخذ وثيقة تخرجها >> هي تتخرج وانا توني اقول بسم الله
مع انو المفروض تكون هذي السنه الرابعه في دراستي ، بس يالله هذا المكتوب وماادري وش اللي كاتبه لي بعد ربي
من خير
ايه صح انا تسجيلي مو مثل اللي توهم متخرجين هذي السنه لا
لازم اروح بنفسي للجامعه ، مع اني رحت واخر شي قالوا خلي ابوك هو اللي يروح للعميد
ويسجلك من عندهم ، وبكذا يمكن يوافقون او يرفضون
\\
//
\\
//
انا قررت اقدم ع كليتين واللي تقبلني اكمل دراستي فيها
رجعت البيت وراسي وش كبررره تعبببب المشوار وربي يتعب 80 كيلو ويمكن اكثر بشوي اكيد بتعب
بس ان شاءالله يقبلوني واكمل دراستي صح
والله جلسة البيت تذبح فرااغ وكل اللي درسته وربي نسيته


راح ارجع مره ثانيه واكتب وش صار علي ^_^ بس دعواتكم لي


ع فكره قبل لااخلص كلامي ماتلاحضون اننا طبخنا من هالحر وربي مووووووت