السبت، 22 يونيو 2013

Twitter

السلااااااام عليكم
 
يسعد مسااائكم بكل خير
 
وبعد هالغيبه الطويله رجعنا لعالمنا الجميل ^_^
 
طبعا تويتر ( بالعامي ) صاير ممل جداً جداً ورافع ضغطي ومع ذالك مااتركه
كم مره يطري ع بالي احذف حسابي وارجع له اتمسك فيه اكثر والسبب بعض الاشخاص المتابعين لي احب اقرا لهم
اممممم لما اكتب واحس احد شغال مراقب علي اكرهه ودي امسكه واعطيه كم كف
جد والله ..
حتى بكتاباتنا اصبح (( هوناااااك )) مدققين لها
ليش كاتبه كذا ؟
وليش منزله هالصوره ؟؟
وليش مضيفه هذي ؟
الولد هذا تراه اوب زين ؟
حتى صورررررتي وانا صغيره تكلموا فيهاا واضطريت امسحها
اذا انا بعيونكم شخص سيء ترا مااجبركم تتابعوني
ولا تقرأؤون للي اكتبه ..
 
أنا انسانه اكتب اللي في قلبي ويميل له هواي ومااحب اللف والدوران
ان حسيت نفسي في خطأ وقفت وسكتت وعاتبت نفسي مليون مره
يمكن كتاباتي أغلبيتها ( أجيب العيد فيها ) ><
 
Twitter
من المواقف فيه اللي يجون دااااايركت ويغازلون
لحظه لحظه ترا اللي يجي ويقول كلام حلو وهيك من الشباب حابه اقوله
 ( ترا هيبتك تطيح قدامي ) لدرجه اني اموت ضحك عليك من قلب ، جد والله تراني اضحك عليك بس مو كل الشباب لا والله
فيه شباب اقول عنهم رجال بالاسلوب يحترمون متابعتك يقدرون انو البنت اللي تتابعهم محترمه ومايتعدون على حدودهم
لدرجة انك قبل ترد عليهم ترجع تقراء كلامك قبل ترد " مو خوف لا والله
لكن يستحقون رد يليق بهم ..
 
وفيه متابعين لي صراحه انصدمت منهم " مرات ودي اقوله احترم شنبك ياراااقل "
 
اما البنات الحمدلله ياااارب نص ودي أعطيها  كف والنص الثاني حتى الذهب من جماله وغلاه مايجي بمقامها :$
 
 
وبالأخير أعتذر لكم إذا كان فيه كلام ضايقكم او أغلاط إملائيه ^_^